Chapchar Kût souvenir tlangzarh

Chief minister Zoramthanga chuan nimin khan Chapchar Kut, 2020 post souvenir 'Nghilhloh Bu' tih chu CMO conference hall-ah a tlangzarh.

Chief Minister chuan, Nghilhloh Bu chu chhiar manhla tak a nih a rin thu sawiin, "Chapchar Kût hi kan culture min ṭhuikhawmtu zing a pawimawh a ni a, sorkar aṭang pawhin pawisa awm ang ang aṭangin tlin chin chin hman a lo ni tawh ṭhin. Culture hian hun kal zelah hma a sawn zel a, mi dang tih dan laa pawlhdal lam ni loin, amah hi a ṭhangin hma a sawn zel angin kan culture pho chhuahna ber kût kan lawm dan pawh hian hma sawn ve zelin, state dang leh ram danga kan unaute tan pawha chhim manhla leh zuala siam a pawimawh," a ti.

Nghilhloh Bu hi phek 114 a ni a, thuchah leh Mizoram hmun hrang hranga kumina Chapchar Kut lawmna hlimthla eng emaw zat dah a nih bakah, mi hrang hrang thuziak 13 dah a ni.