Online hmanga inbumna ti bo turin campaign ṭan

India rama online kaltlanga inbumna awm thei laka mipuite him tlanna tura inzirtirna leh inhrilhhriatna 'Scam se Bacho' campaign chu Meta leh Ministry of Electronics and Information Technology (MeitY), Indian Cybercrime Coordination Centre (I4C) leh Ministry of Information and Broadcasting (MIB) chuan Ningani aṭang khan an nei ṭan.

Ramchhunga online leh cyber kaltlanga inbumna te tih bo a nih theihna turin thla hnih chhung inzirtirna hi neih a ni dawn a, rampum huapin ṭawng chi kuaa neih a ni ang. A bul ṭanna tur hian Meta chuan inzirtirna film ti chhuakin Bollywood Star Ayushman Khurranna a lang bawk a ni.

Ministry of Information Technology s ecretary S. Krishnan chuan,"Meta nena thawh ho theih chu kan lawm hle a, online hmanga in bumna hrang hrang te um bo tura beihna hi a pawimawh hle a ni. India chuan digital lama hmasawnna kawng zawh zelin hei vang hian mipuiten him zawk leh ṭha zawka an hman theihna tur chu sorkar ngaihpawimawh ber a ni," tiin inzirtirna an kalpui chuan rah ṭha tak a chhuah ngei a beisei thu a sawi.