HBC-ah Entrepreneurship Festival

Govt. Hrangbana College - Entrepre-neurship Knowledge Cell (EKC) chuan October 16-19, 2024 chhung hian an college-ah Entrepreneurship Festival (E-Fest) an buatsaih a; stall chi hrang hrang siam niin zirlaite'n anmahni kutchhuak thilte an zuar.

E-Fest chhung hian Young Indians, Mizoram Chapter-te nen ṭangkawpin Empower & Elevate programme buatsaih a ni bawk a, he hun hi HBC-EKC chairman Prof. Lalbiakzuali, Commerce department head ni bawkin kaihruaiin, college hrang hrang zirlaite leh entrepreneur - Rini Hlondo (Rini Hlondo Clothing Brand), Henry Chhundeng (First Cry), Zorammawia Tochhawng (Zote Honda & Zote Toyota), Sobin Jaishi (Safelines), Robert Rohmingliana (Mark Advertising), Rokimi Khawlhring (Cookie Jar), Hannah Khiangte (Fashion Industry), Christine Sailo (Mount Carmel School Vice Principal)-ten sumdawnna lama an tawnhriat hrang hrang leh ṭanpuina an pek theihnate an sawi.

E-Fest hi zirlaite'n classroom zirlai mai bakah, an eizawnna tura entrepreneurial skills an neih theihna tura buatsaih a ni.