UN hnuaia hmeithaite dinhmun sawihonaah MFM Executive Director a tel

Mission Foundation Movement (MFM) executive director Lalramchuanzela chu Geneva, Switzerland-ah October 17-18, 2024 khan hmeithai, pasal ṭhente leh nu mahnia fa enkawlten khawtlang, chhungkua leh eizawnna kawnga harsatna an tawh hrang hrang sawihona, 'United Nations Accreditation System Widows: Challenges, Gaps and Best Practices & NGO CSW Geneva B+30 UNECE Civil Society Forum,'-ah a tel.

Lalramchuanzela hian Mizo hmeichhia leh hmun dang aṭanga humhimna zawnga Mizorama lo lutte dinhmun sawiin; Mizoramah zu leh ruih theih thil avanga nupa inṭhennain nu dinhmun a nghawng dan leh, chhungkua leh khawtlangah an fate enkawlna kawnga harsatna an tawh dante a sawi a ni.

Sawihona hi UN assistant secretary-general Nyaradzayi Gumbonzvanda, UN Women Deputy Executive Director for Normative Support, UN System Coordination, and Programme Results in a kaihruai a; khawvel ram hrang hrang aṭangin Civil Society Organisation pawl hrang hrang aiawhte an tel a ni.