Serchhip-ah puan dum zár

New Serchhip Venglai branch YMA huam chhunga awm chhung­kaw tinte chuan, nimin khan New Serchhip VC ramri ṭhen dana an lung­awi lohzia lantir nan an in ṭheuhah leh khawlaiah puan dum an zár.

Serchhip aṭanga thu dawn danin, New Ser­chhip chu V/C pakhatah an awm ṭhin a, tun hnai khan New Serchhip North V/C leh New Serchhip South V/C-ahte ṭhen a ni a; V/C ṭhen a nih avang hian New Serchhip Venglai branch YMA huam chin chu ṭhen darh a ni. YMA huaihawtin puan dum zár ni mah se, vote erawh an thlak thung.