NE tan NLCPR-ah nuai 66476.56 pe Mizoramin nuai 4935.2 (7.42%) a chang

Sorkar kum kal ta, 2014-2015 chhung khan sorkar laipui chuan Non Lapsable Central Pool of Resources (NLCPR) aṭangin hmarchhak state hrang hrangah cheng nuai 66476.56 a pe chhuak. NLCPR sum hi Mizoram chuan cheng nuai 4935.2 a chang a, hmarchhak state-a pek chhuah zat aṭangin 7.42% a ni.

NLCPR aṭanga Mizoram sorkar sum dawn hi project chi hrang hrang 22 atana hman tur a niin, project 22 zingah project panga atana sum hmuh chu first instalment a ni a, a bak zawng chu second leh third instalment a ni.

Sum sanction tamna ber chu Chhingchhipa Sainik School sak meka hman tur a ni a, cheng nuai 893.66 sanction a ni.