Chhak leh thlang inkalpawhna tur Gujarat - Mizoram kawng sial dawn

Prime minister Narendra Modi ruahmannain sorkar laipui chuan Gujarat aṭanga Mizoram thleng kawngpui ṭha tak sial tum a ni a, kawng siamna atan cheng vbc. 14,000 ruahman a ni.

Ministry of Roads and Highways secretary Vijay Chibber chuan, Gujarat aṭanga Mizoram thleng kawng sial tur chu Bharat Mala tih hming an puttir thu sawiin, "Ramri hrûl, a bikin hmarchhak state-a ramri velah kawngpui ṭha tak tak siam kan tum a ni. Hmun hrang hranga phalna lak ngaite tihfel a nih hnuah, kumin kum tawp lam aṭangin hna ṭan hman kan beisei," a ti a; DPR chu thla rei lote chhunga an peihfel tur thu a sawi.

Ruahman dan chuan, kawng hi kum nga chhunga siam zawh tur a ni a, Gujarat leh Rajasthan aṭangin hna thawh ṭan a ni ang.