State Human Rights Commission atan Mizoram sorkarin post 16 a siam thar

Mizoram sorkar chuan Mizoram State Human Rights Commission (MSHRC) a din tur atan post 16 a siam a, post siamna order hi Home department chuan tunhnai khan a ti chhuak.

Post siam a nih dan chu - MSHRC-ah chairperson pakhat leh member pahnih bakah Establishment & Accounts Division leh lnvestigation Division a awm dawn. Chairperson hian PS a nei dawn a, co terminus-a lak tur a ni. Chairperson leh member pahnih tan driver pakhat leh group D pahnih lak tur a ni a, provisional employee anga lak a ni ang.

Establishment & Accounts Division-ah secretary, assistant, LDC leh group D pakhat ṭheuh an awm dawn a, secretary leh assis-tant hi sorkar hnathawk sa aṭanga dah tur an ni dawn a, LDC leh group D chu provi-sional employee anga lak tur an ni thung.

lnvestigation Division-ah chuan IGP, inspector, asst. sub. inspector leh constable pakhat ṭheuh awmin, sorkar hnathawk awmsa aṭangin sorkarin a dah vek tur a ni.

Tarlan tawh angin, October 3, 2024-a Council of Ministers ṭhukhawm chuan MSHRC dinna tur 'Proposal for establishment of Mizoram State Human Rights Commission and proposal for creation of 16 posts' an pawm a ni.

Gauhati High Court chuan September 6, 2024 khan thupek (order) chhuahin, order chhuah aṭanga thla 2 chhunga State Human Rights Commission din turin Mizoram sorkar a lo hriattir tawh a ni.