P&E officer-te an hnathawh thlirho

Nimin khan Power & Electricity department-a engineer-in-chief, chief engineer, superintending engineer, SDO leh junior engineer-te’n Art & Culture auditorium-ah an hnathawh dan sawihona leh hmasawn zel dan tur sawihona an buatsaih a; minister of state for P&E Lal Thanzara’n a hmanpui.

Minister Lal Thanzara chuan, P&E department-a thawktute inpekna leh thawhrimnaah lawmthu sawiin, “Power siam chhuah sawi tham kan nei lo chungin India hmarchhakah power nei ṭha ber kan ni,” a ti a; P&E department-a thawkte chu electric vanga chetsualna thleng thei laka fimkhur lehzual turin a chah.

Kawlphetha pêk ṭhat a nih loh laiin mipuite an phun ṭhin tih sawiin Lal Thanzara chuan, “Eng pek ṭhat a nih lai erawh chuan kan ngawi leh daih ṭhin. Kan mizia hi siam ṭhat a ṭul,” a ti a; mi ṭhenkhat media kaltlanga power dinhmun dik lo taka tarlang ṭhin an awm thu a sawi. P&E secretary RK Gupta pawhin thu a sawi bawk.

Meeting-ah hian JE-te chuan an enkawl ṭheuh electric line-te an an enkawl dan te, hloh a tam leh tam loh te, revenue a lut ṭhat leh ṭhat lohte leh thil pawimawh hrang hrangte a lem nen an sawifiah a ni.