HLMSC-I ṭhukhawm

Mizorama development project, scheme leh programme hrang hrang, cheng vbc. 50 chin chung lam sennate hnathawh dan viltu, High Level Monitoring and Surveillance Committee-I (HLMSC-I) chu an chairman, chief minister Lal Thanhawla hoin nimin khan CMO-a Cabinet Room-ah an ṭhukhawm.

Meeting-ah hian project uluk taka a bulṭhut aṭanga ruahmanna ṭha tâwk lo a awm ṭhin vanga a hun taka zawh hman loh awm ṭhin te, sum ruahman dan fel tawk lo laite leh state matching share atana sum mamawh ruahmanna fel zawk neih dan te, project leh scheme-te tiṭhuanawp thei tur risk assessment fel tak neih ṭhin ni se tihte leh, loan hmanga development project-te fimkhur taka kalpui leh awmze nei zawka kalpui ni se, tihte an rel.

Meeting-ah hian Finance minister Lalsawt­a, Planning Board vice chairman H Liansailova te pawh an tel.