District khawpui pangaah Municipal council din tum

Mizoram sorkar chuan, autonomous dis-trict coun-cil (ADC)-in a huam Lawng-tlai leh Saiha tih loh district khawpui dang pangaah adhoc-in munici-pal council din a tum.

District khawpuia municipal council din tum a nih thu hi nimin khan IPR auditorium-ah UDPA minister Zodintluanga'n a sawi a; "Municipal council din thar tur hi sum tlem zawnga din phawt tum a ni a, kan din thuai theih kan inbeisei," tiin, khawpuiin enkawltu fel tak a neih chu an duh dan a nih thu a sawi.

UDPA Minister chuan, district khawpui pangaah municipal council din a nih chuan Urban Local Bodies aṭanga sum lo kalte insem a ngaih dawn avangin inren a ngaih dawn thu a sawi a, "AMC pawh hi a hek zawng ni lo a, sum peipung zawnga an kal a ṭul," a ti.

UDPA department hotute hnen aṭanga thu dawn danin, district khaw-pui pangaa munici-pal council din tur hian ruahmanna thui tak kalpui a ni tawh a, Planning leh Finance department lamah file kaltir mek a ni. A tìrah chuan sorkar official-te'n an kalpui phawt ang a, a hnuah inthlan buatsaih a ni ang.