Mobile tower chhehvelah free wifi
Mizoram sorkar hmalaknain, Aizawl khawpui chhunga mobile phone tower bunna chhehvelah free wifi dah tum a ni a, a senso chu mobile tower buntu company (infra provider)-te tum tur a ni ang. Information Communication & Technology (ICT) secretary Lalhmachhuana hnen aṭanga thu dawn danin, free wifi atan hian infra povider-te an phûr hle a, August 15, 2016 hmain mobile tower thlan bikah free wifi kalpui tura tih an ni. ICT Secretary ho hian infra provider-te chu August 9-ah an ṭhukhawm leh dawn a; chutah chuan free wifi kalpui dan turah thutlukna siam tum a ni ang. August 15 hmaa free wifi kalpui tur chu pilot project a ni a, meeting hunah a kalphung tur leh tower eng zat aṭangin nge free wifi hi kalpui tur tih rel fel tum a ni. Lalhmachhuana chuan, mobile phone tower zawng zawngah free wifi pek chhuah a rem a rin loh thu sawiin, "Infra provider-te'n ṭha an tihna hmun aṭangin an pe chhuak ang. Mobile tower bun thar tur aṭang erawh chuan free wifi pe chhuak ngei ngei tura tih kan tum," a ti. ICT Secretary chuan, free wifi pek chhuah tum a nih chhan chu, mobile tower bun a nih dawnin, a bunna tur bul hnaia mite'n an duh loh ṭhin thu sawiin, a bul hnaia mite'n an dodal lohna atan free wifi pek chhuah tum a nih thu Vanglaini a hrilh. Mizoram sorkar hmalaknain, Aizawl khawpui chhunga mobile phone tower bunna chhehvelah free wifi dah tum a ni a, a senso chu mobile tower buntu company (infra provider)-te tum tur a ni ang. Information Communication & Technology (ICT) secretary Lalhmachhuana hnen aṭanga thu dawn danin, free wifi atan hian infra povider-te an phûr hle a, August 15, 2016 hmain mobile tower thlan bikah free wifi kalpui tura tih an ni. ICT Secretary ho hian infra provider-te chu August 9-ah an ṭhukhawm leh dawn a; chutah chuan free wifi kalpui dan turah thutlukna siam tum a ni ang. August 15 hmaa free wifi kalpui tur chu pilot project a ni a, meeting hunah a kalphung tur leh tower eng zat aṭangin nge free wifi hi kalpui tur tih rel fel tum a ni. Lalhmachhuana chuan, mobile phone tower zawng zawngah free wifi pek chhuah a rem a rin loh thu sawiin, "Infra provider-te'n ṭha an tihna hmun aṭangin an pe chhuak ang. Mobile tower bun thar tur aṭang erawh chuan free wifi pe chhuak ngei ngei tura tih kan tum," a ti. ICT Secretary chuan, free wifi pek chhuah tum a nih chhan chu, mobile tower bun a nih dawnin, a bunna tur bul hnaia mite'n an duh loh ṭhin thu sawiin, a bul hnaia mite'n an dodal lohna atan free wifi pek chhuah tum a nih thu Vanglaini a hrilh.