MPC President-in sum sem a sawisel

MPC party presdient Lalhmangaiha Sailo chuan, Mizoram chu state hnufual leh rethei tak dinhmunah a la ding tih sawiin, pawi a tih thu a sawi a, "A chhan ber nia lang chu, kum 30 zet Congress leh MNF party-te'n sorkarna an chelh chhunga sum sem policy leh programme hmanga ram min hruai vang a ni," a ti.

Nimina MPC pisaa Durbar Hall-a inkhawm-ah thu sawiin, Lalhma-ngaiha Sailo chuan, "Eco-nomics level chi hrang hrang awm zingah Cong-ress leh MNF party-te'n Mizoram leh mipui-te hi subsistance level economy, chhungkaw khawsak theihna ṭâwk
ṭâwk thar chhuah em pawh min hruai thlen phak loh vang a ni," a ti. India rama state tinte thawh chhuah tehnaah state 33 zingah Mizoram chu 32-na niin, hmarchhak state-ah a hniam ber tih a sawi.

Kum 2018 inthlanpui lo awm tura Congress leh MNF-te'n policy an duan thar chu NEDP leh SEDP-te a nih thu sawiin, Lalhmangaiha chuan, "Hei hi a hman dan tur ber nia lang chu, thlan chhuah bikte suma ṭanpui emaw, eizawnna bul ṭanna atan sum pek tih lam a ni ber a. A hmaa an kalphung pangngai, danglamna awm chuang lo, sem leh pek chhuah tur volume an tisang zawk deuh mai chauh a ni," a ti.

MPC President chuan, NLUP-a cheng vbc. 2,800 hman zawh a nih hnua a policy-in a tum a hlawhtling si lo chu uiawm a tih thu sawiin, "Pawl dangte'n Mizoram economics an kalpui tum dan leh MPC-in ram tana economic self sufficiency/economic independence kan thlen tum dan nen chuan a inthlau hle," a ti a; Mizoram hmasawnna tak tak thlen turin MPC party chauh a awm niin a sawi.