Gas endik tura permit nei awm lo

Food, Civil Supplies & Consumer Affairs department chuan thuchhuah siamin, tunlaiin khua/veng ṭhenkhatah DC leh Supply department aṭanga permit hlui neite'n IOC tirh nia insawiin mi gas an endiksak a, a part thlaksakin sum an laksak ṭhin tih an tarlang.

FCSCA department chuan, mi gas endiksak leh park thlaksak chu dan kalh a ni tih tarlangin, "Hetianga permit lo nei tawhte hi DC-in a cancel sak tawh a, Supply department aṭanga permit nei pawh cancel nghal an ni," an ti.

Supply department chuan, house to house survey leh check ngai a nih chuan a bialtu LPG distributor-te chauhin an check thei tih an sawi a; permit nei anga insawia gas endik tum hmu leh hriate chu thuneitute hnenah hriattir vat turin an ngen a ni.