CM hoin bawnghnute sâwngbâwl dan sawiho

North East Intitiative Development Agency (NEIDA)-in MULCO leh Champhai, Kolasib leh Lungleia dairy plant-a bawnghnute tam zawk sâwngbâwl theih dan tura ruahmanna an siam chu, nimin khan chief minister Lal Thanhawla hoin a pisaah sawiho a ni.

Chief Minister chuan, MULCO hmasawn danah a lawm thu sawiin, 'NLUP hnuaiah hmasawnna kal tluang zelin, bawng-hnute thar chhuahte a pung a, bawnghnute sâwngbawlna tichang-tlun tur leh bawnghnute tam zawk sawngbawl thei turin NLUP kaltlangin bawnghnute sawngbawlna khawl thar Indigenous Milk Product Plant bun a ni," a ti a; MULCO hlawhtlinna chu ran vulhtute leh mipuiin an chhawr thu a sawi.

NEIDA chuan MULCO thuam
ṭhat dan te, tun aia MULCO huam tizau tura hmalakna awm theite leh MULCO enkawlna siamṭhat dante an sawifiah a ni.

Meeting-ah hian MULCO thuam
ṭhatna, tihchangtlunna leh siamṭhatnate sawiho a nih hnuah MULCO thuam ṭhat hna chu NLUP Implementing Board, AH&Vety department, Cooperation department leh NEIDA nen
ṭang hoa ngaihtuah ni se, an ti. Champhai, Kolasib leh Lunglei dairy plant chu AH&Vety department-in la enkawl zui se tih a ni.

Meeting-ah hian Agriculture minister R Lalzirliana, Finance minister Lalsawta, AH&Vety minister C Ngunlianchunga, Planning Board vice chairman H Liansailova leh NLUP Implementing Board chairman JH Ro-
ṭhuama te an tel.