CM leh officer-te ADMA App hrilhfiah

Nimin khan Aizawl DC conference hall-ah, Aizawl District Disaster Management Authority (ADDMA) Application hnathawh dan tlangpui chief minister Lal Thanhawla leh senior officer-te hrilhfiah an ni.

Aizawl DC Kanan Gopinathan chuan ADDMA App hnathawh, a hman dante leh chhiatna hrang hranga thlen palha chumi hmanga mipuite rang taka chanchin hrilh chhâwn dante a lem nen a sawifiah.

Sorkar thuchhuah tarlan danin, ADDMA App hmang hian chhiat-na a thlenin awlsam leh rang takin chhiatna a thlenna hmun leh a chanchinte District Emergency Operation Center leh disaster lama mawhphurtute hnenah smartphone App hmangin mipui a hrilh thei a ni.

Application-ah hian Aizawl khawpui leh Aizawl district chhunga chhiatrupna lama mawhphurhna nei zonal officer leh mawhphurtu dangte biak pawh theihna number-te leh GPS hmanga chhiatna thlenna hmun hriattir leh a thlalak upload theihnate leh chhiatna a thlen palha tih tur leh tih loh tur entirnate a awm a ni.