SYS Adventure Wing-te J&K-ah trekking

Sports & Youth Service (SYS) Adventure Wing chuan a vawi khat nan July 27-31, 2016 chhung khan Jammu & Kashmir-a Leh leh Ladak-ah High Altitude Trekking an buatsaih.

An hruaitu, SYS director Zothanmawia leh adventure organiser Moses Lalthanpuia te hoin adventure club hrang hranga mi 11 an kal a, pahnih chu hmeichhia an ni.

High Altitude Trekking-ah hian Leh leh Ladakh-a Nubra Valley, km. 72-a zau tlang ram thlaler te; khawvela motor kawng sang ber, ft. 18,380-a sang Khardungla Pass-te leh tlang ram dil metre 4,249-a sanga awm Pangong Lake-te an tlawh a ni.