Minister-te'n an minister pui chunga thil thleng an dem

Nimin khan Home minister K Sapdanga hoin a pisaah minister-te an ṭhu­khawm a, minister of state F Rodingliana chunga Assam Rifle-te chet­dan an dem thu an tarlang.

Minister ṭhukhawm chuan, tun hnaia an minister pui F Rodingliana chunga thil thleng an sawiho a, "Kan thawhpui chunga hetiang thil a thleng hi pawi kan tiin, kan dem. Thleng tawh lo se kan ti," an ti.

He thil thleng leh thil pawimawh dangte chief minister Lalduhoma'n Assam Rifles hotupa ber Director General chu Delhi-ah a sawizui pui dawn niin minister ṭhutkhawmnaah hian tarlan a ni.

Minister ṭhukhawm chuan an minister pui F Rodingliana thlavang hauhtu zawng zawngte chungah lawmthu an sawi bawk.