District Magistrate-in state dang lirtheite aṭanga dan loa pawisa lak khap

Lunglei district magistrate R Lalṭhazuala chuan thuchhuah siamin, Lunglei district-a lut state dang lirtheite aṭanga dan loa pawisa lak khap a nih thu a tarlang a; danin a phût vang ni loa pawisa lo khawn chu Mizoram sorkar chuan a ngaih thutak thu leh ti luite chu Bharatiya Nyaya Sanhita, 2023 Section 308 hmangin an chungah hremna lekkawh theih a nih thu a tarlang.

R Lalṭhazuala chuan, state dang lirtheite aṭanga dan loa pawisa lak chu sorkarin a ngaih thutak thu a tarlang a, "Home department, Govt of Mizoram lehkha No. A-13011/5/2024-HMP dt. 13.06.2024 thuchhuakin a tarlan angin mimal leh pawl ṭhenkhatin Mizoram chhunga lirthei lo lutte hnen aṭangin pawisa an lo laksak ṭhin tih hriat a ni a. Hetianga state sorkar remtihna lo leh danin a phût vang ni loa pawisa lo khawn hi Mizoram sorkar chuan a ngai thutak hle a ni," a ti.

Lunglei district-a state dang lirthei lutte aṭanga dan loa pawisa lak khap tlat a nih thu tarlangin R Lalṭhazuala chuan, "Pawisa lo khawn/laksak ṭhin an awm a nih pawhin titawp tura hriattir nghal an ni a, ti luite chu Bharatiya Nyaya Sanhita, 2023 Section 308 hmangin an chungah hremna lek kawh theih a ni," a ti bawk.