Police Commemoration Day hman a ni

Nimin khan India ram pumah an duty laia nunna chán police-te sunna hun 'Police Commemoration Day' hman a ni a, Mizoramah pawh hmun hrang hrangah hman niin, Aizawlah chuan 1st B. MAP hmuna martarte thlanah DGP Anil Shukla hoin sunna leh zahna chibai bukna hun hman a ni.

Commemoration Day-ah hian India rama September 1, 2023 leh August 31, 2024 inkara duty laia police thi mi 216-te hming chhiar chhuah a ni a, anmahni sùnna hun hman a ni. Kum 1966 aṭanga nimin thlengin Mizoram Police zingah, duty laia nunna chan mi 54 an awm tawh.

October 21, 1959 khan ralthuam nena India rama rawn lut ru China sipaite

chuan India ram veng mektu India police-te chu Hot Springs (Ladakh)-ah an lambun a, India police 10 an thi. He ní hi police, ram tana nun pete hriatrengna Commemoration Day atan sorkar laipui chuan a puang a ni.