Local Complaints Committee siam rem

Lunglei district bawrhsap R Lalṭha-zuala chuan Sexual Harassment of Women at Workplace (Prevention, Prohibition and Redressal) Act, 2013 section 6 & section 7-in a phût anga Lunglei district tana Local Complaints Committee (LCC) din tawh siam remna thupek a tichhuak a; chairperson atan MHIP Sub-Headquarters, Lunglei president Dr H Lalnunmawii ruat a ni.

Local Complaints Committee (LCC) hi Lunglei district-a hnathawhna hmuna mipat hmeichhiatna lam hawia zar buai leh chhaih nawmnahna laka hmeichhiate venhimna atana din a ni a; hnathawhna hmuna mipat hmeichhiatna rawng kaia chhaih leh zar buai tawktu hmeichhiate'n lungawi lohna/complaint an thlen thei a ni.

LCC-ah hian chairperson atan MHIP Sub-Headquarters, Lunglei president Dr H Lalnunmawii ruat niin, member secretary chu Women & Child Development district prog. officer C Lalnunfela a ni a; member pathum - Lunglei chief judicial magistrate Lalthansiami Hnamte, Vanlalpianpuii, Farm Veng leh Sub-Headquarters YMA, Lunglei president K Lalfakzualate an ni.