Mizoram BJP President-in Union minister-te a kâwm

BJP, Mizoram Pradesh president Vanlalhmuaka chuan October 21, Thawhṭanni khan New Delhi-ah sorkar laipuia minister ṭhenkhat - Law & Justice minisrter Arjun Ram Meghwal, Social Justice & Empowerment, Consumer Affairs, Food and Public Distribution minister of state BL Verma leh Housing and Urban Affairs minister of state Tokhan Sahu te an chenna inah a kawm a, Mizoram mamawhte a sawipui.

Vanlalhmuaka hian Law & Justice Minister hnenah Mizoramin high court hran a neih theih dan tur leh thil dangte a thlen a; Housing and Urban Affairs MoS hnenah Mizoram khawpui sorkar leh urban area-te harsatna mipuiin an tawh mek dan leh a sutkian dan turte a sawipui. BL Verma pawh thil chi hrang hrang a sawipui bawk a ni.