Healthy Lunglei District atan Lunglei DC leh RailTel-in MoU ziak

Healthy Lunglei District Campaign hnuaia hriselna kawnga hmalakna kalpui mek puihna atan Lunglei DC Office leh RailTel Corporation of India, New Delhi chuan nimin khan DC pisaah inremna, memorandum of understanding (MoU) an ziak.

MoU-ah hian Lunglei district bawrhsap R Lalṭhazuala leh RailTel Corporation executive director Harish Pawaria-te'n hming an ziak. MoU ang chuan Healthy Lunglei District Campaign atan RailTel Corporation-in corporate social responsibility aṭangin Lunglei DC office-ah Rs 18,92,000 an pe dawn a, sum chu ṭum lia pek tlak tur niin, ṭum khatah Rs 4,73,000 zel an pe dawn a ni.