Mizoram Police leh Mizoram University thawkho

Mizoram Police leh Mizoram University (MZU) chuan nimin khan Police Headquarters-a Arya Mess-ah thawhhona leh inremna thuthlung an ziak. Thuthlung hian Mizoram Police hnuaia mi man ṭhenkhat leh misual kut tuar te, pawngsual tâwk hmeichhia te, rilru lam harsatna neite leh thil danga puih ngaite a ṭul anga counselling pek leh siamṭhatna lama thawhho a huam. Tunlai mila police tihchangtlunna lama hmalakna project hrang hrang leh MZU-a technical expert-te nena technical training-a thawhhona a tel bawk.