KHAWTHLIR

Thisen pe
Aibawk Branch YMA chuan, Inrinni khan Aizawl Civil Hospital tan thisen unit 49 an pe a, a petute mipa 44 leh hmeichhia panga an ni. Aizawla Inter-Branch YMA Football Tournament khelh meka Ngopa YMA team-te pawhin an member-pui thisen mamawh rengin a mamawh ang thisen a dawn reng theih vanga lawmthu sawi nan May 1, 2015 khan Aizawl Civil Hospital-ah thisen unit 12 an pe bawk.

YMCA khawmpui
Young Men's Christian Association, North Eastern Region chuan May 1, 2015 khan Synod Conference Centre-ah khawmpui an hmang. YMCA chairman, Lalrinmawia Ralte chuan, "Kohhran leh pawl hrang hrangte taima taka an thawh ṭhinna Mizoramah ṭhalaite tana khawvel zau zawka rawngbawlna ngaihtuah­pui leh hemi atana inbuatsaih hi Aizawl YMCA chuan a tum ber a ni," a ti.

In kâng
Inrinni chhun dar 11 vel khan Champhai district-a Kelkang khuaa Lalrinenga in, Assam type chu bungrua chuh hman lohin a kâng ral a, mihring thi leh hliam an awm lo. Thu dawn danin, kangmei hi Lalrinenga-te chhung­kua leh an mikhualte awm loh hlana chhuak a ni a, an chhungkua leh an mikhual mi pangate bungrua zawng zawng a kâng ral a ni.

Tanpuina sem
Health department chuan tun hnai khan Aizawl Civil Hospital-a nau neite hnenah ṭanpuina Rs. 5,00,000 a sem chhuak a, sum awm ang­te sem zawh nghal a ni. Thu dawn danin, ACH-a nau nei ṭanpuina hi July 2014 aṭangin an pe thei lo reng a, tun hnaia Rs. 5,00,000 an pek hma hian Rs. 21,38,900 an ba hman a ni. Tun din­hmun­ah cheng nuai 16 vel la pek lo a awm bawk.