Lawngtlai DC-in Lawngtlaiah partial lockdown a puang

Lawngtlai DC Dr Andrew H Van­laldika chuan December 6, Pathianni khan thupek tichhuakin, nimin aṭanga zanin zanlai thleng Lawngtlai khawpuiah partial lockdown kalpui tur a nih thu a puang. Lawngtlaiah hian December 1-5 chhung partial lockdown puan a ni tawh bawk.

Sorkar thuchhuah chuan, Lawngtlai district-ah Covid-19 vei hmuh belh zel a nih avang te, mipui him nan leh contact tracing leh swab testing chak zawk leh felfai zawka kalpui a nih theih nan, Disaster Management Act, 2005 tlawhchhanin Lawngtlai khawpuiah December 7 chhun dar 12 aṭanga December 8 zan dar 11:59 thleng partial lockdown puan a ni.

Partial lockdown hian LADC MDC General Election, December 4-a neih vote chhiar leh result puan a huam dawn a, mawhphurhna neite tan ruahmanna siam a ni. MDC inthlana vote tlate chu vawiin hian chhiar a ni ang.