Hmalak zel dan tur sawiho
Hnahthial District Task Force chu nimin khan an chairman, DC Vanlalmawia hoin an ṭhukhawm a, hmalak tawhna hrang hrang thlir kirin hmalak chhunzawm zel dan tur an sawiho nghal.
Vanlalmawia chuan Covid-19 do kawngah sum a hautak viau laiin an district erawh leiba awm lutuk loa an la inenkawl chhoh theih thu sawiin "Ei leh bar kan mamawh reng angin hmasawnna hnathawktu turte lo indan a, thawh phal loh ngawt hi a rem tawh lo a ni. Vaccine peih anih veleh a ṭul anga pe chhuak tur sorkar a inpuah chah mek.
Meeting-a tarlan a nih danin, Hnahthial district chhungah Covid-19 vei hmuhchhuah mi 15 awm tawhin enkawl dam vek an ni tawh. Mi 957 te swab sample endik tawh niin chungte chu RT-PCR ah mi 248, RAgT ah mi 276 leh Truenat-ah mi 433 te an ni. Khunghran mi 663 awm tawhin mi 630 te chu an hun hmang zovin chhuah tir an ni a, mi 3 khunghran mek an la awm a ni.
Khaw ṭhenkhat chu sorkar ruahmanna zawm loa mahni duh dana kal an awm ṭhin a, chung khuaa VLTF hruaitute chu sorkar ruahmanna zawm tura hrilhhriat thar leh an ni dawn.