MNF party-in nuarte an thlâwp

MNF party chuan thuchhuah siamin, Mizoram Commercial Vehicle Union-in tuialhthei man tihsan duh loh lantirna atana nawrh an huaihawt chu an thlâwp thu leh MCVU thil phût chu sorkarin tihhlawtlinsak ngei se an duh thu an tarlang.

MNF party chuan, "Mipui harsatna siamtu a nihna hriaa oil man tihhniam leh ngiata MCVU thil phût hi Mizoram sorkar hian a rang thei ang berin tihhlawhtlinsak ngei se kan phût tlat a ni," an ti.

Tuialhthei aṭanga chhiah lak tihpunin mipuiah ngawng thui tak a nei nasa nia sawiin MNF chuan, "A takin mipuite'n kan tuar ṭan mek a, motor chuan man a to phah bakah, thil man chi hrang hrangin pun lam a pan phah zel a ni," an ti a; kawng ṭha lo leh buhfai man sang bawk nen, mipuite'n ni tin khawsak phungah harsatna an tawh belh zel niin an tarlang.