Hmun hnihah heroin man

Excise & Narcotics department (END) leh YMA, Rangvamual Branch chuan October 22, Thawhlehni chawhnu dar 1:30 khan Rangvamualah heroin no. 4 gram 59 (hawng 5) leh a neitua puh - Lalrinsangzuali (41) d/o Liandawla (L), Rangvamual leh Lalchhanhima (38) s/o P Rodingliana (L), Vaivakawn nia inchhálte an man.

END leh Central YMA Kumpuan Committee pawhin October 22 vêk tlai dar 6 khan Chanmari West-ah heroin gram 172 (hawng 15) leh a neitua puh Vanlalfela (29) s/o Kaplianhranga, Champhai Tlangsam, tuna Chanmari West-a khawsa mek nia inchhál an man bawk.

Heroin neitute lakah Narcotics Drugs & Psychotropic Substances Act, 1985 tlawhchhanin thubuai ziah luh a ni.