Ruihhlo do dan tur sawiho

Saitual District Nasha Mukt Bharat Abhiyaan Committee chu nimin khan DC conference hall-ah district bawrhsap Dr Lalngura Tlau kaihhruaiin an ṭhu a, ruihhlo do dan tur an sawiho. Children’s Day (November 14)-ah district pum huapin 'Drug Prevention Awareness' buatsaih an rêl.

Saitual Bawrhsap chuan, Natasha Mukt Bharat Abhiyaan (NMBA) chu Drugs Free India tih a nih angin, ruihhlo hman sual titlem tura theihtawp chhuah turin kal khawmte a sáwm a, "Drugs hi ṭangkai taka hman a nih chuan nunna chhan nan leh kawng tinrênga ṭangkai taka hman theih a nih laiin, hman sual a nih erawh chuan nunna tam tak latu leh khawtlang leh ram tlukchhiatna a ni thei," a ti.

Ṭhutkhawmah hian Saitual district-a sikul 10-ah anti-dugs club din leh chu'ng sikul aṭanga master volunteer 50 training neihpui te, ruihhlo dona atana tlawmngai pawlte leh kohhran ṭhalaite hnena awareness kalpui te, short clip video leh reels insiamsiak buatsaihte leh Children’s Day-ah district pum huapin Drug Prevention Awareness neihte an rel a ni.