Police-te'n inzirtirna an buatsaih

Kawrthah Police Station chuan nimin khan Kawrthaha Ngurlianthanga Hall-ah 'Drugs Awareness Campaign' an buatsaih a; sikul palia zirlai 101 leh zirtirtute an tel. Kawrthah SDPO Malsawmkima leh Kawrthah PS officer-in-charge Samuel Lalrinfela te'n ruihhlo ṭhat lohzia leh ruihhlo do pawimawhnate an zirtir a ni.

Police Commemo-ration Day 2024 and Police Flag Day 2024 pualin Siaha district police-te chuan October 22, Thawhlehni khan Siaha College-ah cyber crimes leh ruihhlo chungchang inzirtirna an buatsaih a; zirlai 250 chuang an tel.

Lawngtlai district police-te pawhin Police Commemoration Day 2024 pualin October 22 khan Lawngtlai district-a police station leh outpost hrang hrangah criminal law thar, Narcotic Drugs and Psychotropic Substances (NDPS) Act, Protection of Children from Sexual Offences (POSCO) Act leh dan dang ṭhenkhatte inzirtirna an buatsaih bawk.