LMV tlân dan tur ruahman

Aizawl District Disaster Management Authority hnuaia Quick Response Team (QRT)-in nimin aṭang khan Ngaizela Aizawl City Bus Owners Association office bula lung tla mai theia ngaihte an thian fai a, hei vang hian Aizawl Traffic SP Stephen Lalrinawma chuan Ngaizel kawngpuia lirthei (LMV) tlan dan tur a ruahman.

Traffic SP tarlan danin, Saikhama-kawn lam aṭanga Kulikawn pan LMV-te chu Tlangnuam Hridaikâwn lamah kalin Pika Road lamah tlân tur a ni a; Kulikawn lam aṭanga Saikhamakawn pan turte chu Tlangnuam lam aṭangin kal tur a ni. He ruahmanna hian LMV aia lian lirthei a huam lo.