FSL-ah thil 65,540 endik tawh

Forensic Science Laboratory (FSL) chuan official-a hna an thawh ṭan kum 2000 aṭanga March 31, 2015 thleng khan thubuai hrang hrang (case examined) 5,671 an khawih tawh a, heng thubuaiah hian thil chi hrang hrang endik (exhibit examined) 65,540 an nei.

Kum 2000 aṭanga March 31, 2015 chhung vêk hian FSL hnathawkte chu buaina/harsatna thlen­na hmun 1,068-ah kalin, enfiah ngaite an enfiah. Hemi hun chhung vek hian an thil hmuh chhuah hrang hrang 1,127 chu Court-ah an thehlut a ni.

Tun dinhmunah FSL-ah hian division pasarih - chemistry, ballistics & tool marks, questioned document, fingerprint, photography, serology, to­xicology awmin, thawk­tu 46 an awm a ni.