KHAWTHLIR

Library zirho
Mizoram University-a Library and Information Science Department Alumni Association chuan nimin khan Ai­zawla IPR Auditorium-ah Mizorama library tihchangtlun zelna tura hmachhawp zirhona leh sawihona an buatsaih. Woerkshop-ah hian MZU Library Science-a HoD Prof. RK Ngurtinkhuma, Pachhunga University College assistant librarian Dr Lalthanmawii Sailo leh MZU Central Libary-a professional assistant Dr C Lawmzuala te paper buatsaih an zirho a ni.

Nungcha humhalh
Maubawk branch YMA leh PHE department-te tangkawp chuan Maubawk leh a chhehvel ram chhunga nungcha chi hrang hrangte an humhalh tih an puang a; an huam chhunga nungchate tina zawnga khawsa an awm chuan Maubawk YMA-ah emaw, PHE department-ah emaw hriattir zel turin mi tin an ngen.

Naupang endik
Mizoram Laboratory Technician Association (MMLTA) chuan nimin khan TNT, Zuangtuia naupangte thisen a thlawnin an endiksak a; damdawi ṭhahnem tak leh buhfai ip thum an pe nghal. MMLTA-te hi RIPANS zirlaite'n an ṭawiawm a ni.

Home meeting
Tripura-a Bru relief camp paruka Mizoram Bru awmte lak let dan tur ruahman turin vawiin hian State Core Committee on Bru Repatriation chu chief secretary Lalmalsawma, Home secretary ni bawk hoin an ṭhukhawm dawn. Meeting-ah hian Home department-a senior officer-te bakah Mamit, Kolasib leh Lunglei DC-te an tel ang.

Nau neih theih loh
Aizawl Civil Hospital-a nau neihna (labour room) Pathiannia kâng chu siamṭhat mek a ni a, kângmeiin rin aia bungrua a tihchhiat nasat avangin nau neih theih hun tur Civil Hospital hotute chuan an sawi thei rih lo.