PE dept-a thawkte intawhkhawm

Lungleia Power & Electricity department hnuaia thawkte tan nimin khan Lunglei Convention Centre-ah intawhkhawmna leh intuaitharna buatsaih a ni a; thupui chu 'Thiam thil leh tih phung ṭha inhrilh tawn' (Sharing expertise and best practices) tih a ni.

Intawhkhawmah hian mipui hnena ṭha zawka kawlphetha pek dan tur te, mipui tana awlsamna siamsak dan tur leh ṭha zawka dawr theiha awm dan tur te, kawlphetha bothlau tihtlem dan tur te, ṭha zawka electric bill dawn dan tur te, chetsualna (electrical accident) pumpelh dan turte leh nizung chakna khawl (rooftop solar) chungchangte sawiho ni a; Lunglei Power Circle-a superintending engineer Lalrinmawia'n fuihna thu a sawi.