Pawl pariatin thisen unit 256 an pe

October 26, Inrinni khan pawl pariatin thisen an pe. KṬP, Phulpui Branch chuan an branch platinum jubilee pualin ZMC tan unit 52 an pe a, petute mipa 40 leh hmeichhia 12 an ni a, thisen petu zingah Phulpui Field Veng branch member panga leh Isua Krista Kohhran Ṭhalai member pahnih an tel.

Civil Hospital, Aizawl tan Catholic Kohhrana City Parish Coordination-in St. Lowrence Hall-ah unit 58 pein, an zingah hmeichhia 10 an tel a; KṬP, Dawrpui Vengthar West Branch-in unit 35 pein, an zinga hmeichhia pakua an tel. Lallen Welfare, Aizawlin unit 19 an pe a, individual voluntary donor mi 10 an awm bawk.

KṬP, Bethlehem Vengthlang Branch-in Synod Hospital tan unit 37 pein, petute mipa 28 leh hmei­chhia pakua an ni a; KṬP, Serchhip Vengchung Branch-in Serchhip District Hospital tan unit 10 an pe. Catholic Ṭhalai Pawl, Kolasib-in Kolasib District Hospital tan unit 25 an pe e, petute mipa 15 leh hmeichhia 10 an ni a; ṬKP, Serte Bialin Lunglei Civil Hospital tan Vanhne-ah unit 20 an pe bawk.