CCM dinah CM a lawm

Chief minister Lalduhoma chuan nimin khan Council of Churches in Mizoram (CCM) Hawnna Inkhawmpui, Mission Veng Kohhran biak-ina neih a hmanpui a; kohhran inpumkhatna tur leh rawngbawlhona tura CCM din a ni ta chu a lawm thu a sawi.

CM Lalduhoma hian nimin chawhmaa inkhawmah thuchah (greetings) sawiin, "Kohhran hrang hrangte hian thurin hrang kan nei a, chumi avang chuan rin dan hrangte kan nei a, inneih pawlh pawh harsa khawpin kawng tam takah kan awm tawh. Hei hi Lal Isua ṭawngṭaina leh duh dan kalh niin ka hria. Mizorama kohhran hrang hrangte lungrual taka kan thawkho chho thei tur hi a hma aṭang tawha kei pawhin ka lo thlir ve ṭhin, ka lo duh ve em em a ni a, vawiinah a hlawhtlinna kan hmu chho ta hi ka lawm em em a ni," a ti.