Thingzai khawl din dan tur sawiho

Lunglei District Expert Committee on Establishment and Regu­lation of Sawmills chu nimin khan chief conservator of forest Lalthangliana Murray hoin an ṭhukhawm a, Lunglei district-a thingzai khawl (saw mill) din dan tur rawtna leh kalpui zui dan tur an sawiho.

Meeting-a tarlan dan­in, Lungleiah saw mill din a nih chuan, tuna thingzai khawl nei khâr tate pawh hawn leh theih a ni dawn a, dan ang thlapa kalpui theih a ni ang. Teak chíngtute tan pawh awlsam zawk leh manhla zawkin thingkung hralh theihna a inhawng ang a, Lunglei district aṭangin thingzai aṭanga siam chhuah thilte thawn chhuah theih a ni tawh dawn a ni.

Supreme Court thu­pek angin, Mizoramah saw mill 15 ruahman a ni a, Lunglei district-ah saw mill pahnih dah tum a ni a, Saw mill din nan IIDC, Pukpui ram leh Tlabung chu tinzâwn a ni.