H&TE Minister-in Edufest hawng

Edufest vawi 13-na chu nimin khan Assembly Annexe building-ah ṭan a ni a, Higher & Technical Education minister R Romawia'n a hawng. R Romawia chuan, sorkarin zirna hmangin theihtawp a chhuah mek thu a sawi.

H&TE Minister chuan, mihring tu pawhin theihna an nei tih sawiin, "Kan theihna chu hmang ṭangkaiin kan tipung tur a ni a, chumi tur chuan kaihruaitu kan mamawh. State dang angin ṭhalaite hmanrua ṭha tak tak kan pei thei lo a, zirna hmang­in theihtawp kan chhuah a ni," a ti.

Edufest huaihawttute zinga mi Vanlalrema Vantawla chuan, Edufest chu ṭum 13 an buatsaihna a ni tih sawiin, "Kan institution chah chhuahte hi an rintlak vek a, kum 13 kan tih chhungin com­plaint pathum chiah kan dawng," a ti a; complaint an dawn pawh an chinfel vek thu a sawi.

Edufest 2015-ah hian India ram hmun hrang hrang aṭangin zirna in 32 an tel a, vawiinah chhun­zawm a ni ang.