Lunglei HPC-in HSLC tiṭhate lawmpui

HSLC Examination 2015-a pakhatna, Jennifer Vanrammawii leh pa­thumna C Lalnunfeli, Bap­tist HSS ve vete chu nimin khan Lunglei HPC vice chairman S Laldingliana leh HPC member-te'n HPC Office-ah lawmpuina thingpui an inpui a; S Laldingliana chuan lawmpui nan Rs. 10,000 ve ve a hlan.

S Laldingliana chuan, kum 28 hnuah Lunglei aṭangin HSLC topper an awm ta tih sawiin, lawmawm a tih thu a sawi a, "Lunglei an chawimawi rualin, zirlai naupang dangte tan entawntlak an nihzia leh chona lian tak an siam a ni," a ti. Baptist HSS, Serkawna digital classroom atan HPC-in Rs. 7,50,000 an pek tur thu a puang bawk.