'Flower Village' ah Chawngtlai siam tum

Chawngtlai khaw­tlang chuan an khua chu 'Flower Village' ah siam an tum a, hmalakna hmasa atan nimin khan hmun hrang hrang­ah awmze nei takin pangpar phun hnatlang an nei.

'Flower Village' siam an tumnaah hian bialtu MLA Lalrinliana Sailo, Chawngtlai Welfare, Aizawl, Chawngtlai V/C leh Chawngtlaia Mizo Historical Vil­lage Committee-te chu a bul­tumtu an ni.

Hnatlangah hian Chawngtlai Middle School naupang 140 chuang leh zirtirtu te, MUP leh Mizo Historical Village Committee member-te'n Tlaizawng 1,000 chuang an phun a; a awm sa humhalhna an siam nghal.

Nimina hnatlangah hian Mizoram state tree Herhse leh Búng an phun bawk a; an khaw hming put chhan Chawngtlai thing ṭhahnem tak phun leh an tum a ni.