DC-in Trade Expo titawp turin hriattir

Aizawl DC Dr Franklin Laltinkhuma chuan nimin khan thupek chhuahin, Lammuala North East Trade Expo neih mek chu titawp turin a hriatttir.

Aizawl DC chuan, Mizoram chhunga sumdawnna kalpui turin Mizoram páwn lam mi, sumdawngte tan Mizoram district council a nih hun laia trade licence pek chhuah an neih a ngaih thu a tarlang a, "Trade expo-a hralh chhuah bungruate hi hmarchhak state chhunga siam a nih loh piah lamah, ram dang bungrua a nih leh zel vang­in dan kalh a ni," a ti.

MIMA-te'n trade expo huaihawttute'n thuneitu hnen aṭangin phalna an la hmasa lo tia thuneitute hnena an hêkna chu zir chian a nih hnuah pawmsak an nih thu Aizawl DC chuan a tarlang.