NGO-in Champhai Hospital enfiah

Champhai District NGO Coordination Committee chuan nimin khan Champhai District Hospital an tlawh a, damdawi-ina thawktute chuan an indaih loh thu an lo hrilh.

Champhai NGO-te chuan, tun hnaiah pension leh transfer vanga Champhai Hospital chhuahsan mi 10 vel an awm thu an sawi a, "Sorkarin thawktu dah belh a nei miah lo hi mak kan ti. Champhai Hospital-ah hian thawktu hrang hrang - doctor, nurse, pharmacist leh 4th grade-te an indaih lo vek niin a lang," an ti a; sorkarin Champhai mipuite a ngaihthah nia an hriat thu leh rilru natthlak an tih thu an sawi.