Beiseina awmchhun kan ni: Duhoma

ZNP president Lal­duhoma chuan, Mizoram political party-ah Mizoram mipui an beidawng mek niin a sawi a, "ZNP chu beidawngte tan beiseina awmchhun party a ni," a ti.

Nimina Kolasib-a van­tlang inkhawmah Lal­duhoma chuan thu sawiin, “Rorel lai Congress party-ah mipuite beiseina a tla­hniam chak hle a, mipui an beidawng mek zel. Opposition party lian inti MNF lah chu beiseina thar nei turin hmana kan beidawn tawhna an hruaitu ngai tho kha an la ni a, mipuite’n duhthlan tur chuang an nei lo,” a ti a; ZNP chu mipui beiseina awmchhun a nih avangin party hmasawn ber an ni mek zel niin a sawi.