Lunglei Town Area Internal Road sawiho

Nimin khan Lunglei DC conference hall-ah Lunglei additional DC H Lianzela hoin UD&PA department enkawl tur ‘Lunglei Town Area Internal Road’ atana detailed project report (DPR) siam dan tur sawiho a ni.

UD&PA director Zorammuana chuan, Lunglei Town Area Internal Road siam a nih chhan tur sawiin, "Ministry of Urban Development ram pumah khawpui thlan bik 100-te chu ‘Smart City’ ah siam a tum a, UD&PA Minister rawtna angin Lung­lei town area chhunga kawngpui siam ṭha turin UD&PA department chuan hma a la dawn a ni," a ti a; Lunglei khawpuiin hmel thar a hmuh theih nan department hrang hrang leh NGO-te thlawpna leh puihna a pawimawh dawn tiha sawi.

Meeting-ah hian he project atan hian Core Committee din te, site visit leh joint verification neih te, DC kaihhruaina hnuai­ah Road Protection Squad din te, kawng chei ṭhat leh tihzauh bakah, kawng thar siam dan turte pawh enho an rel a ni.