Vairengte Joint VC-in lawmthu an sawi
Vairengte Joint VC chuan, October 17, 2020 zana Mizoram (Vairengte) ram chhunga Lailapur mite'n buaina an siam chungchangah, an thlavâng hauh tura Vairengtea kal zawng zawng te, an tana theihtawp chhuaha ṭawngṭaisaktu Zoram mipui chungah te, thil mamawh leina atana sum leh paia puitu te, a ṭul hun a awm pawha Vairengte kal tura inpeih reng ṭhalai rualte chungah an lawm thu an sawi.
Vairengte Joint VC chuan, Kawnpui Joint YMA chungah lawmthu sawiin, "Vairengte khuaa lo kal tum mi tam tak, Vairengte boruak a ṭhat tawh avang leh a ṭha lo zawnga boruak sáng leh thei a ni tih hriaa an lo dan lêtna leh, ṭawngkam déngkháwng leh hmaisen hmu hial khawpa an inpekna hi ropui kan tiin lawmawm kan ti hle. Hun lo la kal zel turah pawh a ṭul anga inṭanpui tawn zel turin kan sáwm a; an tana ṭangkaina kan nei a nih pawhin kan inhuam thui hle a ni," an ti.
Lawmthu sawinaa an tarlante bakah, lawmthu sawi ngei ngeina tur chi, tih hmaih kan neih chuan, chungte chungah pawh chuan lawmthu an sawi tih an tarlang bawk.
Vairengte lawmthu sawina
→ Chief minister Zoramthanga leh cabinet minister-te chungah.
→ Buai zana tlawh nghaltu bialtu MLA Lalrinsanga Ralte leh minister K Lalrinliana te chungah.
→ October 18 chhuna tlawhtu MLA - Lalrintluanga Sailo, L Thangmawia, Lalrinawma, Prof. F Lalnunmawia, Dr ZR Thiamsanga, C Lalmuanpuia, Dr Vanlalṭanpuia, H Lalzirliana, H Biakzaua, Ramthanmawia, Andrew H Thangliana, Dr Vanlalthlana leh Lalrindika Ralte te chungah.
→ October 18 zana tlawhtu minister pathum - Lalchhandama Ralte, Dr K Beichhua leh Robert Romawia Royte-te chungah.
→ October 21-a tlawhtu minister R Lalzirliana chungah.