Kolasib-ah thlai thar hralhna sawiho

Kolasib District Agriculture Marketing Committee (DAMC) buatsaihin nimin khan DC conference hall-ah 'Sentitization cum Consultation Meeting on Thlai Thar Marketing under Hand Holding Policy 2024' neih a ni a; district bawrhsap Robert C Lalhmangaiha'n a kaihruai.

Robert C Lalhmangaiha chuan, Kolasib chu thlai thar tamna hmun a nih bakah, Mizoram luhká a nih avangin thlai châwk luh leh thawn chhuahna kawng a nih thu a sawi a, "Bána Kaih Policy hnuaia thlai hralhna kawngah pawh hmalakna tur tam tak a awm dawn. Policy hnuaia sorkar ruahmannate chak taka kalpui a, a hlawhtlin theih nana theihtawpa ke pên turin ka sâwm che u a ni," a ti.

Inràwnkhawmnaah hian Mizoram Agriculture Marketing Board member Vanlalmuanpuia Chhangte-in Bána Kaih (Handholding) Policy a sawifiah a; MAMB member dang H Lallianzuala'n Bána Kaih hnuaia thai hralh dan tur a sawi bawk.

DAMC MAWHPHURHNA ṬHENKHAT

◆ Bána Kaih hnuaiah mumal taka thlai hralhna kalpui theih nana hmalak

◆ Loneitu pawl (farmer's cooperative society) rintlak thlan a, buaipui leh zirtir ngai zirtir.

◆ District chhunga thlai thar dahna tur kudam leh marketshed dap chhuah.

◆ Post Harvest Infrastructure Facilities dinna tur ngaihtuah.

◆ Thlai thar zat leh hralh zatte mumal taka chhinchhiah.