Vigilance Awareness Week hmang

Nimin aṭang khan Mizoramah Vigilance Awareness Week hman ṭan a ni a, kumina Week thupui chu 'Culture of integrity for nation's prosperity' tih a ni.

Vigilance Awareness Week hman ṭannaah hian chief secretary Dr Renu Sharma kaihhruaiin Mizoram Secretariat tualzawlah MINECO-a thawkte'n eirûkna leh hlemhletna laka fihlim tura thutiam an sawi rual a; ṭha tak leh langtlang taka hna thawk tur te, eirukna leh hlemhletna laka fihlim turtein an intiam a ni.

Mizoram Legislative Assembly pawhin an Secretary kaihhruaiin Assembly House-ah Vigilance Awareness Week thutiam an sawi rual a, Assembly speaker Lalbiakzama leh Assembly Secretariat-a thawkte an tel.