Mizo IR-te'n advance duty post an chhuahsan zet hnuah an luah leh tawh
Vairengte leh Lailapur inkar, Vairengte thlanga Mizoram police duty-te chuan an awmna hmun chu nimin khan hun rei lo te an chhuahsan hman a, a hnuah an luah leh nghal. Police duty mekte Mizoram hnaih lamah hnuhkîr an ni lo.
Nimin lam khan media ṭhenkhatah, Mizoram sorkarin Vairengte thlanga ramri vengtu police-te Mizoram lamah a tawlh hnuntir dawn nia tarlan a ni a; hemi chungchangah hian a hmun tlawhtu Vairengtea chanchinbu, Rengkhawpui editor Lalengkima Colney chuan, Mizoram police-te an la tawlh kîr loh thu leh an awmna ngai, auto-rickshaw stand thlangah an la awm reng thu a sawi.
Thu dawn danin, nimin lam khan Assam police ṭhenkhat chu Vairengte auto-rickshaw stand bul velah an rawn chho a; mahse, chu lai vela duty tur leh awm hmun siam tura rawn kal ni loin, thil awm dan enfiah pah leh Mizoram police duty-te titipuia rawn kal an nia sawi a ni.
Thu dawn danin, October 17-a buaina chhuah hmain Mizoram IR sipaite chu auto-rickshaw stand bulah an duty ṭhin a, Inrinni zana inbeihna a thlen hnuah an duty-na ṭhin aṭanga Lailapur lam hnaih metre 100 chuang hreta hláah advance duty an indah a ni.
Advance duty-te chu nimin zing khan buaina chhuah hmaa an duty-na ṭhin, auto-rickshaw stand bulah an tawlh lêt a; chu chu Vairengte khawtlang mipuiin an hriat veleh IR sipaite duty-na hmunah an kal a, chumi hnuah IR sipaite chuan an hmun chhuahsan chu an luah zui leh a ni.
Vairengte khawtlang chuan, Mizoram IR sipaite'n advance duty post an ṭìnsan lailâwk hlân hian Assam police-te chu lirthei tlân vel véng (motor escort) chhuanlama hmangin an thleng nghal a, nimin tlai lamah erawh chuan hmuh tur an awm tawh lo thung.
Vairengte leh Lailapur inkar, Vairengte thlanga Mizoram police duty-te chuan an awmna hmun chu nimin khan hun rei lo te an chhuahsan hman a, a hnuah an luah leh nghal. Police duty mekte Mizoram hnaih lamah hnuhkîr an ni lo.
Nimin lam khan media ṭhenkhatah, Mizoram sorkarin Vairengte thlanga ramri vengtu police-te Mizoram lamah a tawlh hnuntir dawn nia tarlan a ni a; hemi chungchangah hian a hmun tlawhtu Vairengtea chanchinbu, Rengkhawpui editor Lalengkima Colney chuan, Mizoram police-te an la tawlh kîr loh thu leh an awmna ngai, auto-rickshaw stand thlangah an la awm reng thu a sawi.
Thu dawn danin, nimin lam khan Assam police ṭhenkhat chu Vairengte auto-rickshaw stand bul velah an rawn chho a; mahse, chu lai vela duty tur leh awm hmun siam tura rawn kal ni loin, thil awm dan enfiah pah leh Mizoram police duty-te titipuia rawn kal an nia sawi a ni.
Thu dawn danin, October 17-a buaina chhuah hmain Mizoram IR sipaite chu auto-rickshaw stand bulah an duty ṭhin a, Inrinni zana inbeihna a thlen hnuah an duty-na ṭhin aṭanga Lailapur lam hnaih metre 100 chuang hreta hláah advance duty an indah a ni.
Advance duty-te chu nimin zing khan buaina chhuah hmaa an duty-na ṭhin, auto-rickshaw stand bulah an tawlh lêt a; chu chu Vairengte khawtlang mipuiin an hriat veleh IR sipaite duty-na hmunah an kal a, chumi hnuah IR sipaite chuan an hmun chhuahsan chu an luah zui leh a ni.
Vairengte khawtlang chuan, Mizoram IR sipaite'n advance duty post an ṭìnsan lailâwk hlân hian Assam police-te chu lirthei tlân vel véng (motor escort) chhuanlama hmangin an thleng nghal a, nimin tlai lamah erawh chuan hmuh tur an awm tawh lo thung.