Chief Minister-in CS Renu Sharma a thlah

Chief minister Lalduhoma chuan nimin khan a pisaah October 2024 tawpa superannuation pension-a châwl tawh tur chief secretary Dr Renu Sharma a kâwm a; Mizoram tana a hnathawhah lawmthu hrilhin, a hun hman zel tur atan duhsakna a hlan bakah, lawmthu sawina lehkha leh thilpek a hlan.

Dr Renu Sharma chuan, Mizoram chu nuam a tih thu leh a hriatreng ṭhin tur thu a sawi a, "Mizorama ka awm chhunga ṭha taka min thawhpuitu sorkar leh sorkar hnathawkte chungah lawmthu ka sawi a ni," a ti.

Chief Secretary hi Mizoram sorkara secretary-te pawhin nimin vêk khan Secretariat conference hall-ah thlahna hun an hmang a; October thla tawpa superannuation pension-a chhuak tur ve tho PHE secretary F Liantluanga an thlah nghal bawk.